2019 წლის 28 თებერვალსა და 01 მარტს ჩატარდა სსტ ისო/იეკ 17025:2017/2018 ტრენინგი აკრედიტაციის ცენტრის შემფასებლების კომპეტენციის სფეროების დადგენის მიზნით. 

გერმანული პროექტის PTB-ს ფარგლებში 2019 წლის 11 მარტიდან 13 მარტის ჩათვლით, თბილისში, საქართველოს სტანდარტებისა და მეტროლოგიის ეროვნულ სააგენტოში იმართება ტრენინგი ისო/იეკ 17043. ტრენინგს ესწრებიან როგორც აკრედიტაციის ცენტრის წამყვანი შემფასებლები, ასევე აკრედიტებული ლაბორატორიების ხელმძღვანელები.

აკრედიტაციის ცენტრმა EA-ს (European Accreditation) შეფასება სამედიცინო ლაბორატორიების სსტ ისო 15189 წარმატებით გაიარა!   2019 წლის 21 იანვრიდან 24 იანვრის ჩათვლით აკრედიტაციის ცენტრში ჩატარდა EA-ს (European Accreditation) შეფასება. რუმინეთიდან ჩამოსულმა შემფასებელმა აკრედიტაციის ცენტრის წამყვან შემფასებლებთან ერთად გაიარა სამედიცინო სფეროში აკრედიტებულ პირთა პირადი საქმეები, ასევე ის დააკვირდა ადგილზე შეფასების პროცესს. შეფასებიდან გამომდინარე დაფიქსირდა 2 შეუსაბამობა, 2 შენიშვნა და გაიცა 2 გაუმჯობესების რეკომენდაცია. EA-ს შემფასებელმა, ჩატარებული შეფასებიდან გამომდინარე მიიღო გადაწყვეტილება, რომ აკრედიტაციის ცენტრს EA-ს მიერ აღიარებულ სფეროებს დაემატოს სამედიცინო ლაბორატორიები. 

თუ გზაზე გამოვლინდა ისეთი ავტომობილი, რომელსაც გარკვეული აშკარა დაზიანებები შეენიშნება, პატრულის ეკიპაჟს შეუძლია გააჩეროს და გაუმართაობის გამო დააჯარიმოს, მიუხედავად იმისა, ტექნიკური ინსპექტირება დადებითად აქვთ თუ არა გავლილი. ინსპექტირება ავტომობილს წელიწადში ერთხელ უწევს, თუმცა, შესაძლოა, ავტოსატრანსპორტო საშუალება ინსპექტირების გავლის შემდეგ დაზიანდეს და ისე გადაადგილდებოდეს გზაზე. მაგალითად, მაშუქი ფარი არ უნთებდეს; საქარე მინა ჰქონდეს გაბზარული, გამონაბოლქვი იყოს შესამჩნევი და ა.შ. აქედან გამომდნარე, საპატრულო ეკიპაჟს შეუძლია ასეთი ავტომობილი დააჯარიმოს და ქულებიც დააკლოს

დღეიდან ავტომატურ რეჟიმში მოხდება იმ ავტომობილების დაჯარიმება, რომლებსაც კანონის შესაბამისად არ გაუვლიათ პერიოდული ტექნიკური ინსპექტირება.

2019 წლის 15 იანვრიდან ტექნიკური რეგლამენტი ამოქმედდება შემდეგი სახის სამშენებლო პროდუქციაზე: ცემენტი, არმატურა, ელექტროკაბელები, პლასტმასის მილები. აღნიშნული რეგლამენტი ევროკავშირის განვითარებული ხარისხის ინფრასტრუქტურის მქონე ქვეყნების საუკეთესო პრაქტიკაზეა დაფუძნებული.

2018 წლის 14 დეკემბერს სსიპ "აკრედიტაციის ერთიანი ეროვნული ორგანო - აკრედიტაციის ცენტრს", ორმხრივი თანამშრომლობის განვითარების მიზნით, ჩინეთის რესპუბლიკის SAMR-ის (State Administration for Market Regulation) წარმომადგენლობა ეწვია. ვიზიტის ფარგლებში განხილულ იქნა აკრედიტაციისა და ჩინეთის ორგანოების საქმიანობა, ასევე ურთიერთთანამშრომლობის მემორანდუმის ხელმოწერის საკითხი და სხვა სამომავლო გეგმები. დელეგაცია ასევე ესტუმრა აკრედიტაციის ცენტრის მიერ აკრედიტებულ შპს "ღვინის ლაბორატორია"-ს საგამოცდო ლაბორატორიას და დააკვირდნენ მათ საქმიანობას. 

2018 წლის 21-22 ნოემბერს, ქ. ბუქარესტში შედგა EA-ს (ევროპული აკრედიტაციის) გენერალური ასამბლეის 42-ე შეხვედრა. შეხვედრას ესწრებოდა სსიპ "აკრედიტაციის ერთიანი ეროვნული ორგანო - აკრედიტაციის ცენტრი"-ს წარმომადგენელი, ასევე ევროპის ყველა აკრედიტაციის ორგანოების ხელმძღვანელები და ევროკავშირის სხვადასხვა ინსტიტუტების წარმომადგენლები. მიერთებულ ფაილში შეგიძლიათ იხილოთ ასამბლეის მიერ მიღებული რეზოლუციები და შემდეგი წლების სამოქმედო გეგმა.